Antoni Puddu
A s'ammorada
Su di'e Santu Nigola pro ammentu
Pro cantu duro mi l'ap'ammentare:
Bido custa Rosa e la zuto a tentu.
No isco a chie l'apo a paragonare!
Su coro mi at postu in movimentu
E tandho est chi comintzo a l'ammirare.
Santu Nigola est chi m'at azuadu
Chi m'ada custu visu presentadu.
Onzi sero ndhe preno duos fiascos
Pro la ponner su note a serenare,
Apenas chi su tapu che l'illasco
Che cazosa lu faghet a bolare;
A sa zeuna sempre mi ndhe masco
Ca faghet bene e faghet ingrassare:
Naran chi za est sustantziosa
E totu naran chi est ingrassosa