MUTTU  LONGU , DEDICADU  A  TOTTU  SOS   EMIGRANTES   ILLORAESOSO.” NOSTALGICU EMIGRANTE” “Eeeeee,., PARTO   DAE   ILLORAI, FAGHINDE   SA  PROMISSA  DE  NON  TI  LASSARE  MAI;

CUN  SA  SITA  FALO  A  ISCRAS, DE  NON  TI  LASSARE  MAI  FAGHINDE  SA  PROMISSA;

LEO  SA  LITTORINA, SENTO  CHI  A  TIE  LASSO  S’AMADA  COLUMBINA;

IN  SU  TIRSU CHE PASSO, S’AMADA  COLUMBINA  SENTO  CHI  A  TIE  LASSO;

DERETU  A  MACUMERE, CUN  SU  CORO  SERENU  CHI  TUE  SESE  FIDELE;

PRO  LEARE  SU TRENU, CHI  TUE  SESE   FIDELE  CUN  SU  CORO  SERENU;

IN  CHILIVANI  PASSO, S’AMADA  COLUMBINA  SENTO  CHI  A  TIE   LASSO;

IN  OLBIA  SA  FRIMMADA, SENTO  CHI  A  TIE  LASSO  SA  COLUMBINA  AMADA;

CUN  SA  NAVE  MI  AVVIO, LITTERAS  DE  CUNFORTU  DAE  ATTESU  T’IMBIO;

BRINCO  SU  MARE TOTTU, DAE  ATTESU  T’IMBIO  LITTERAS  DE  CUNFORTU;

ISBARCO  IN  CONTINENTE, SU  VISU  SERENU  TOU  L’APPO  SEMPRE  PRESENTE,.,.,;

E  PARTO  DAE  NOU, L’APPO  SEMPRE  PRESENTE  SU  VISU  SERENU  TOU,.,.,;

IN  GENOVA  SA  FRIMMADA, SEMPRE  PESSENDE  A  TIE  CA  TROPPU  MI  SES  CARA;

E  FATTO  SOSTA  INIE, CA TROPPU  MI  SES  CARA  SEMPRE  PESSENDE  A  TIE;

POI  LEO  SU  TRENINU, NON FINO  DE  T’ISTIMARE  CA  LU CHEREDE  SU  DESTINU;

DAE  NOU  A  VIAZZARE, CA  LU  CHEREDE  SU  DESTINU  NON  FINO  DE  T’ISTIMARE;

ARRIVO  A  MILANU, T’ISTIMO   GIOIA  MIA  FINAS  DAE  LONTANU;

REGIONE  DE  LOMBARDIA, FINAS  DAE  LONTANU T’ISTIMO  GIOIA  MIA;

CHIASSO  SA  FRONTIERA , BELLESA  ISOLANA  SESE  FATTA  A  MANERA;

CONTROLLADA  SA  DOGANA,  SESE  FATTA  A  MANERA  BELLESA  ISOLANA;

CHE COLO  A  ZURIGO,CUN  TEGUS  ELENA  ERMOSA  S’AMORE  MEU  LU  SIGO;

DERETTU  A  TERRA  ANZENA, S’AMORE  MEU  LU  SIGO  CUN TEGUS  ERMOSA  ELENA;

A  DESTINAZIONE, FAGHE  SU  ZIRU  DE  SU  MUNDU  SU  NOSTRU  GRANDE  AMORE;

SINZERU  E  GIUCUNDU, SU   NOSTRU  GRANDE  AMORE  FAGHE  SU  ZIRU  DE  SU MUNDU;

COMINZO  A  TRIBALLARE, DE  TE  GIOIA  ERMOSA   NON  MI  APPO  A  IRMENTIGARE.,.,.,

MA  CA  SES  TUE  DONOSA, NON  M’APPO  A  IRMENTIGARE  DE  TE   GIOIA  ERMOSA,.,.,

PRO  TOTTU ,.,., SA,., VIDA  MIA ,.,.            “  Settimo  SANNA “