A Don Rofaelle Filia

(Illorai)

 Frade mannu

Ti ringràtzio, frade mannu,

Distimonzu de sa fide

In su Cristos incravadu,

Ca unidu mi at a Isse

Su batizu chi mi as dadu!

In s’istiga de sos Santos

Tue sacerdot’e Deu

Fatu m’as su menzus donu

De sa fide cristiana:

Frade mannu, frade bonu!

Ti ringràtzio, beneitu!,

Che a sos màrtires de fide

In Cristos resuscitadu,

Ca mi as abbia a Isse

Batizendhe incaminadu!